تعالو شوفو رسمتي مع صحباتي

هاادي الرسمة رسمتها ياحبايبي في دورة اخدتها في تالتة ثانوي إسم المركز (( مركز إدارة الموهوبات ))

كان الموضوع إنو نرسم في لوحات كبيرة مو مرا كبيرا يعني المهم نرسم عن التراث ونربطو بالحاضر وبالماضي وكنا مقسمين مجموعات كل مجموعة فيها تلات بنات
زرزورتي كانت معايا في الدورة بس خسارة ماكملت مافي راسها رسم راسها كلو تصاميم بالفوتو على الكمبيوتر المهم هما بنتين كانو معايا وحدا اسمها رؤيا وماشاء الله عليها هيا أكتر وحدا بذلت جهد في الرسمة كلنا رسمنا بس هيا تعبت أكتر عليها الحق ينقال والتانية اسمها مرام وتبعا إيمان


المهمممممممممم نرجع للموضوعنا


فكرة لوحتنا

الفانوس كان يعبر عن المرأة العربية وأخترنا الفانوس بالذات أعتبرناه كأنو السياج المحيط بالمرأة العربية يعني إنها (مصونة من هتك عرضها والتعرض لها سواء كان بالقول كالسب والشتم فيها أو الفعل كالزنا ووأدها وغير ذلك ) والضوء الصادر من الفانوس كان يعبر عن دينها إلي هوا الأساس إلي منور دربها وهو طبعا ديننا الإسلامي الحنيف وداخل الفانوس نشوف إنو فيه فنجان قهوة ودلة دا يعبر عن المرأة العربية كيف كانت تهتم بالضيافة ودا معروف عند العرب خاصة إنهم مشهورين بالقهوة العربية طبعا دا في الماضي ألين عصرنا الحالي لازم في الضيافة نحط القهوة غير كدا فيه مع دلة القهوة والفنجان فخارين يعبر عن استعمال المرأة العربية في السابق كانت تستعمل الفخار وكانت معظم الأواني مصنوعة من الفخار مو زي دحين طبعا أواني زجاج وألمنيوم وورق وغيرو نرجع لموضوعنا كانت المرأة العربية تهتم بمجال الطبخ منذ الماضي إلى الآن بس طبعا طبخات الستات الكبار شييييييييييي لزيييييييز تاكل وماتشبع كلو كانو هما يسوه حتى التوابل يسوها بنفسهم مالت دحين دلع مضبوط للبنات كل شي جاهز حتى التوابل والبهارات ياكترو في السوبر ماركت وكويس إذا ضبطت معاها الطبخة على حسب نفسها في الطبيخ على قولتهم هههه الله يخلي المطاعم طيييييييييييب بعد كدا نجي للشال الأحمر أخترنا اللون الأحمر نصف فيه بأن المرأة العربية تتمتع بجاذبية وجمال خاص غير عن كل النساء الأخريات يختي عليها كما أن اللون الأحمر يعبر عن الثقة والمرأة العربية تمتلك الثقة والشجاعة والجرأة ولكن في حدودها واللون الأزرق إلي مع الشال نقصد به إنو المرأة العربية تتصف بالهدوء والإخلاص وبأنها حساسة رقيقة المشاعر وأخترنا الشال للتعبير عن حجاب المرأة العربية المسلمة وطبعاً اعتزازها بحجابها الإسلامي وهادا كل مافي الموضوع وممكن أحد غيرنا ينظر للرسمة من ناحية أخرى ويفسرها على حسب تصورو

شفتو كيف هادا كلو طلع من اللوحة

مختصر الكلام على قولتهم ( خير الكلام ماقل ودل ) اللوحة تعبر عن المرأة العربية المسلمة وشخصيتها وعاداتها وتقاليدها في المجتمع العربي الإسلامي

ويارب تعجبكم اللوحة البسيطة إلي رسمتها مع صوحيباتي وتكون وصلتلكم فكرة اللوحة يارب

ماشأ الله مره الرسمه روعة

تقبلي تحياتي والى الامام

تسلم عيونك الحلوة شكرا على مروركم الدائم لي

دوما القمر الحلوة امووون متميزه في رسماتك >> عنجد رسمه خطيرة
الله يحفظك من كل سوء
ودمتى نجمه متلآلآه في سماء منتدانا

ماشاء الله
مرررة حلوة
يسلموووووو

يسلمو ياحبايبيييييييييييييييي كولكم على مروركم وإطرائكم لي كسفتوني وإن شاء ماننحرم من موضوعاتكم الحلوة زيكم

تسلممم يابيبسي حاااااااااااااااار مدري كيف ينشرب
أنا أحترم رأيك وزي ماقلتك ممكن لأي أحد ينظر لها من ناحية أخرى ويفسر الرسمة على حسب تصورو وتسلممممم على إبداء رأيك الحلو هادا دليل مخيلتك ماشاء الله واسعة وتعرف تحلل الرسمات وأنا أحترم كل الآراء إلي تجيني من جميع أعضاءنا ويعطيك العافية على مرورك القيم

ماشالله تبارك الله ايمو الرسمه جباره


ممكن طلب

تسويلي لوحه اعلقها في غرفتي


شوكرا على الرسمه والى الامام مستقبل باهر انشالله


Dr.AHK

والله يادوكتر طلباتك أوامر من عيوني بس معندييييييش وقت أبدا أرسم خاصة دحين مع الجامعة للأسف راسي مفرتك
كان نفسي أرسم لوحات في الإجازة بس مالت ماقدرت حتى أرسم نص لوحة

هههههههههههههه


ولايهمك انا اعطيكي كم ملخص كذا واسئله تدخلي بيها الاختبار


ولايهمك بس انتي ارسمي

ياريت إذا تقدر تساعدني كدا لأرسملك أحلى اللوحات ترا أنا صيدلة تقدر تساعدني في دا القسم
بنااااااااات كتير سدولي نفسي يقولو قسمي في دكتور حق الرياضيات بس يدرس تانية يشرح شي ويجبلهم في الاختبار شي تاني غير إلي شرحو نسيت اسمو يارب يجيبو دكتور تاني على بال ما أروح تانية والله يعين الجميع
حالتي النفسية مرا وحشة عشان كدا نفسي مسدودة من كل شي حتى الرسم إلي أحبو وما أقدر أستغنى عنو على الأقل في الأسبوع أرسم رسمة ماصار ليا نفس أفك كراسة وأشخمط فيها حتى

هو في رياضيات في الصيدله

انا اعرف سنه اولى كل الاقسام زي بعض طب ومختبرات وصيدله وكل شي

ماقد سمعت بالرياضيات تغزو كليتنا

لااااااااااااااااع قلتلك يدرس سنة تانية مو أولى

عجيب والله

انا مش فاكر من الرياضيات الا الجمع وشوية طرح والضرب موجود

اما القسمه نسيتها صراحه
ههههههههههه


مافي فايده مني من جهة الرياضيات اي شي ثاني انا موجود

قال دكتور أسكت بس بلا فشلة ترا أنا ما أحب الرياضيات برضو بس مشي الحال

روووووووووووعه

يسلموووووووووو

على الصوره

الله يسلمك شكرا على مرورك يا كتكووت

لا شكر على واجب

لازم نشجعك

؟!

تقبلي مروري مره ثانيه

يسلمووووووو

الله يسلمك يازلازل الحب يسلمو مرورك

انتي موبدعه دومااااااااااااااااااااااا


وماانسى يوم ساعدتيني ولونتي رسمتي

وكل عجبتهم وانبهرو باللوحة

لانك حولتيها من لوحة سخيفة الى ابداااااااع

ربنا يحميكي